Sùil air ais air a' Phandemic

Cha b' fhada gus an robh e follaiseach gun robh siubhal bho bhaile-mòr gu baile-mòr agus bho dhùthaich gu dùthaich cunnartach.

Chaidh riaghailtean a thaobh cuarantain a stèidheachadh agus a thoirt gu buil gun dàil.

Bha masgan agus astar sòisealta air am moladh mar ro-innleachdan gus bacadh a chur air a’ ghalar ghabhaltach. 

Chaidh coinneamhan a thoirmisg mura biodh iad air an cumail air a' bhlàr a-muigh.

Bha na h-eaglaisean air an dùnadh fad grunn mhìosan. 

Bha an tinneas marbhtach do na seann daoine agus dhaibhsan a bha lag nam bodhaig.

Chaidh gu math do na daoine aig an robh taigh-samhraidh air an dùthaich anns am fuiricheadh iad airson greis.

Chuir a' mhuinntir a bha tinn uallach trom air na h-ospadalan.

Dh'obraich cuid de na lighichean agus na banaltraman gu cruaidh, gu neo-fhèineil – choisinn iad urram àrd dhaibh fhèin.

Dh’fhàg bacaidhean-siubhail agus bacaidhean-obrach luchd-ceàirde agus gnìomhachasan ann am bochdainn.

                    Bho thasglann baile-mòr Obar Dheathain aig àm na Plàighe Mòire, 1648

(Iomradh: Aberdeen Before 1800. A New History deasaichte le E Patricia Dennison, David Ditchburn agus Michael Lynch, Tuckwell Press, East Linton 2001).